ФК Барселона[уреди | уреди извор]
Своето неофицијално деби, Меси го направил играјќи за првата постава против Порто во ноември 2005 година (на 16 годишна возраст). Една година подоцна го направил своето официјално деби против Еспањол. Во октомври 2004 година тој станал трет најмлад играч на сите времиња кои настапиле за ФК Барселона како и најмлад играч во Лигата (рекордот го срушил неговиот пoрaнешен клупски колега Бојан Кркиќ, во септември 2007 година).
Сезона 2005-2006[уреди | уреди извор]
Во септември, втор пат во три месеци, ФК Барселона го обновила договорот со Меси. Тој истовремено стекнал шпанско државјанство, конечно стекнувајќи право да дебитира во шпанската прва лига. Во 17 натпревари, Меси постигнал 6 голови, но за жал за него сезоната завршила пред време, во март 2006 година, поради кинење на тетивата на десната нога во натпреварот против Челси во Лигата на Шампиони. Барселона ја завршила таа сезона како шампион на Шпанија и Европа.
Сезона 2006-2007[уреди | уреди извор]
Меси се зацврстил како играч во првата постава со својата одлична игра против Челси и Реал Мадрид. Во ноември 2006 година во натпреварот против Реал Сарагоса, Меси повторно добил повреда која го исфрлила од игра 3 месеци. По враќањето од Аргентина, Франк Рајкард, внимателно го рехабилитирал и постепено го зголемувал времето на игра, од натпревар во натпревар. Набргу Меси се вратил во форма постигнувајќи хет-трик. Кон крајот на сезоната покажувал се подобри резултати , 11 од своите 14 голови во лигата ги постигнал во последните 13 натпревари.
Меси бил сметан за новиот Марадона. Еден од неговите голови бил сличен на оној на Марадона против Англија на Светскиот Куп на ФИФА во Мексико во 1986 година, познат како гол на столетието. Светските спортски медиуми го нарекле Месидона. Тој го истрчал истото растојание (62 м), поминал ист број на играчи (6), вклучувајќи го и голманот, шутирал од скоро иста позиција, истрчал кон корнерот, исто како и Марадона во Мексико, пред 21 година.
Сезона 2007-2008[уреди | уреди извор]
Во текот на оваа сезона, Меси дал пет голови за една недела, донесувајќи ја Барселона меѓу првите четири тимови во Лигата. Двата голови што ги постигнал против Севиља, на 22 септември, му ги посветил на Роналдињо кој тој период бил повреден. На 19 септември, тој постигнал еден гол кога Барселона го победила Олимпик Лион со резултат 3–0 во натпревар од Лигата на шампионите. Меси постигнал уште два гола за победа на Барселона со резултат 4–1 против Реал Зарагоза. На 27 февруари, Меси го одиграл свoјот 100-ти меч за Барселона во натпреварот противВаленсија. Потоа, Меси бил надвор од игра шест недели поради повреда на левата нога, здобиена за време на мечот против Селтик во Лигата на шампиони.
Истата година, Меси бил номиниран за специјалната награда на ФИФА ПРО за најдобар напаѓач. истовремено, во една анкета, шпанскиот весник „Марка“ го прогласил Меси за најдобар играч на светот, со освоени 77% од гласовите, при што тој бил споредуван со Франц Бекенбауер и Јохан Кроjф.
Сезона 2008-2009[уреди | уреди извор]
По заминувањето на Роналдињо од клубот, Меси го наследил неговиот дрес со број 10.[12] Во октомври2008 година, за време на мечот против Шахтјор одДонецк, Меси постигнал два гола во последните седум минути, влегуваќи како замена за Тјери Анри, и од резултат 0:1 во корист на Шахтјор во победа од 2:1 заБарселона.[13] Потоа, Меси одиграл уште еден импресивен натпревар против Севиља. Во декември 2008 година, Меси го постигнал вториот гол во мечот против Реал Мадрид кој завршил со резултат 2:0. Истовремено, со освоени 678 поени, тој бил прогласен за втор најдобар фудбалер на светот за 2008 година, според изборот на ФИФА. Својот прв хет-трик во 2009 година, Меси го постигнал противАтлетико Мадрид, додека вториот од двата гола во мечот против Расинг Сантандер бил 5000-от гол за Барселона постигнат во шпанската лига. Подоцна, во 28-то коло на Лигата, Меси го постигнал својот 30-ти гол во сезоната, обезбедувајќи победа од 6:0 во мечот против Малага. Во април 2009 година, Меси постигнал два гола против Баерн од Минхен во Лигата на шампиони.